پاکستان مسلم لیگ (ن) پنجاب و صوبہ خیبرپختونخوا ٹی پارٹی اومیتدار آتے ٹکٹ تننگ کن پارلیمانی بورڈ اس جوڑ کرے

اسلام آباد۔ 17 مارچ (اے پی پی) پاکستان مسلم لیگ (ن) پنجاب و صوبہ خیبرپختونخوا ٹی پارٹی اومیتدارآتے ٹکٹ تننگ کن پارلیمانی بورڈ اس جوڑ کرینے۔ پارٹی صدر و وزیراعظم محمد شہباز شریف بورڈ انا کماشی ءِ کننگ اٹی ءِ۔ مسلم لیگ (ں) نا سیکرٹری جنرل احسن اقبال نا کنڈآن ہڑتوم آ صوبہ غاتا پارلیمانی بورڈ انا ٹہیفنگ نا نوٹیفکیشن ءِ جاری کننگانے۔ صوبہ پنجاب کن 32 باسک ءُ وخت اس کہ صوبہ خیبرپختونخواکن 30 باسک پارلیمانی بورڈ انا سلاہ تننگانے۔ پارلیمانی بورڈ پنجاب و خیبرپختونخوا ٹی پارٹی اومیتدار آتے ٹکٹ تننگ نا فیصلہ کیک۔ وزیراعظم محمد شہباز شریف تون اوار پارٹی چیئرمین راجہ محمد ظفرالحق ، نائب صدر شاہد خاقان عباسی، مریم نواز شریف، احسن اقبال ، غلام دستگیر خان، رانا ثناء اللہ، سعد رفیق، میاں جاوید لطیف، برجیس طاہر ، ریاض پیرزادہ، عشرت اشرف، مریم اورنگزیب ، اویس لغاری ، عطاء اللہ اشرف، شیخ فیض الدین و طلال چوہدری ئسک اوار ءُ وخت اس کہ صوبہ خیبرپختونخوا ٹی پارٹی اومیتدارآتے ٹکٹ جاری کننگ کن پارلیمانی بورڈ اٹی امیرمقام، مرتضیٰ جاوید عباسی، کیپٹن (ر) محمد صفدر، سردار محمد یوسف، پیرصابر شاہ، اقبال ظفر جھگڑا، اورنگزیب نلوٹھا، اختیاررومی، عباس آفریدی، جمشید محمد، افتخار خان، شہاب الدین، ناصر خان، ملک جہانزیب و محمد عالمگیر ئسک اوار ءُ۔