مزن  وزیر  شہباز شریف   ءِ   ملک ءَ  را  استیں جیڈھ آں چہ در  کنگ ءِ واستہ   توامیں سیاسی  سروک آناں   یکجائی  ءَ نند  ءِ دعوت، پاکستان     میاں اوستمانی   دگنیا ءَ وتی  گار   ءُ بیگواہ  کتگیں  جاہ ءَ را  الم   در جنت،  راجی  ءُ السی  سیت آناں    جیوا  ءِ داؤ ءَ نئیلاں،  شہباز  شریف

اسلام آباد۔16مارچ  (اے پی پی): مزن وزیر  محمد  شہباز شریف   ءَ ملک ءَ را استیں  جیڈھ آں چہ  در  کنگ ءِ واستہ  توامیں  سیاسی سروک  آناں  یکجائی ءَ    دعوت  دیگ  ءِ  گوشتگ کہ پاکستان   ٹوھیں  کربانی  آں چہ پد    جوڑ  بوتگ۔  اے  میاں اوستمانی    دگنیا ءَ وتی  بیگواہ کتگیں جاہ  ءَ    الم   گپت،  معاوشی   گہتری،  معاشی  ایجنڈا ،   کم  ھرچ ءُ درچ   ءَ  ھوار  ایندگر  ارزشتی ایں  گامگیج  ءُ  جیڈح آناں سرجمیں   سیاسی  سروکی   ءَ  وتی  سیاسی    اپوزیشن   پارٹی  آنی    گوما  یکجائی  پیسلہ کنان ءَ   ایشی ءِ پد ءُ رند کنگ  لوٹ ائیت۔   راجی   ءُ السی سیت  آناں  جیوا   ءِ   داؤ  ءِ سر ءَ   جنگ ءَ نئیلاں۔  ما ملکی  جاور آناں ھراب  کنگ  ءِ   اچ  کس ءَ را   اجازت  نہ دیاں۔ آئی ایم  ایف  ءِ  پروگرام   زوت  بوت بوھگ  ءِ امیت  انت پدا  ھم  ایش  سرجمیں  گیواری  نہ انت۔  پنچ شمبے ءِ روچ ءَ سینٹ   آف پاکستان  ءِ  50  سالی گولڈن  جوبلی  مراگش  ءِ دو روچی  کمیٹی ل آف  دی   ہول   ءَ  گوں گشتانک  دیان ءَ آئیءَ گوشت کہ سینیٹ   آف  پاکستان   ءِ    50  سالی گولڈن  جوبلی  ءَ را   جوانیں   رنگ   ءَ     ءُ  سادگی  ءَ گوں برجم   دارگ  ءِ   واستہ  اے  سیشن    ءِ برجائی     ءَ  چیئرمین  سینیٹ،  ٹیمب  ءُ توامیں  سینیٹر ز  آناں مبارک  بات   پیش  کناںَ  اے کار  سرجم   کنان ءَ اے  یک راجی ازمت  ات۔  اے  گپ  یک رند ءِ  پداس  1973  ءِ کانود ءِ نیمگ ءَ روت   وھد ءِ  اولی  رند ءَ  پاکستان   ءِ چاریں صوبگ آناں   برابر   ءِ ھک  ءَ دیگ ءِ واستہ کانود ءِ پاکستان  ءِ   جوڑیشتکار  ذولفقار علی بھٹو  ءُ توامیں  ملک ءِ زعما  ءُ لیڈر شپ ء اے تاریخی  کار  پیلو کتگ ءُ مرچی  50 سال  گوزتگ۔   آئی  ءَ گوشت کہ پاکستان  ءِ سینیٹ  ءَکانود ءِ   جوڑیشت ،   زندمان  ءِ  توامیں شوبگ  آنی    تہ ءَ   ٹوھیں    ساپ ءُ سلہئی  ءُ ازمت  ءُ  پکوئی  ءِ  گوما   اے  50 سال  آنی تہ ءَ وتی زمہ واری پیلو    کتگ انت۔