وزیراعظم نا ترکیہ ٹی ترند انگا پِر تیان نوکاپی حالیت و نہادی جانی نسخان تیا است ہسونی نا درشان

اسلام آباد۔ 16 مارچ (اے پی پی) وزیراعظم محمد شہباز شریف ترکیہ ٹی ترند انگا پِر تیان نوکاپی حالیت و نہادی جانی نسخان تیا ڈکھیائی و است ہسونی و ترکیہ نا حکومت و الس تون یکجہتی نا درشانیءِ کرینے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ ہرمشکل ساہت اٹ پاکستان نا حکومت و الس ترکیہ نا حکومت و الس تون سلوک ءُ۔ دا مشکل ساہت اٹی ترکیہ نا ہرممکن کمک ءِ کینہ۔ وزیراعظم نوکاپ اٹی زوال کروک آتا خاہوت آتون ہمدردی و ہڑزخواہی نا درشانی ءِ کرے و دعاکرے کہ اللہ تعالیٰ ایماندار تے جنت الفردوس اٹی بڑزکو ہند اس و خاہوت ءِ صبر وجمیل عطاکے۔