بنوں۔ 15 مارچ (اے پی پی) ڈپٹی اسپیکر قومی اسمبلی زاہد اکرم درانی داڑے چارشنبے نادے آجامعہ الھدی میراخیل اٹی دستاربندی نا دود اٹی بطور مہمان خاص بشخ ہلک۔ داوخت آ ڈپٹی اسپیکر قومی اسمبلی زاہد اکرم 150 حافظ ءِ قرآن تا دستاربندی نا دود آن تران کرسا پارے کہ مذہب اسلام نا عظیم مسخت قرآن پاک نا تعلیم ءِ دوئی کننگ و اودے ایلوفتسکان سرکننگ ءِ۔ اینو نا دا بابرکت دود انا اڈتننگ آ ای منتظیمین آتے مبارکبادی ایتیوہ۔ پوسکن آ چناتا قرآن پاک ءِ حفظ کننگ اوفتا لمہ و باوہ غاتیکن گمر نا سوب و آخرت اٹی اوفتا سرسہبی نا ذریعہ ءِ، ڈپٹی اسپیکر قومی اسمبلی پارے کہ ساڑی آ دور اٹی دنیاوی تعلیم تون اوار اوار دینی تعلیم نا مون آ دننگ المی ءِ۔ ننے تینا مذہب اسلام نا رداٹ تینا زند ءِ جوڑ کننگ نا گرج ءِ۔ اسلامی رغاموک آتیا عمل کرسا نن راجی برائی تا مون ءِ توننگ کینہ۔ اسلامی رغاموک آتیا عمل کرسا ملکی ویل آتے ایسر کننگ مریک، ننا مذہب اسلام زند ءِ تیر کننگ نا پورو ضابطہ حیات تسنے۔ اوپارے کہ ننا خواجہ نبی محمد صلی اللہ علیہ و آلہ وسلم نا زند ننکن کسر نا ڈیواءِ۔
