پاکستان اٹی فیصلہ کن ریسہ اس بسنے، عمران نیازی دزگیر مفک تو کانود باایتک، احسن اقبال

اسلام آباد۔ 15 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج احسن اقبال پارینے کہ پاکستان اٹی فیصلہ کن ریسہ اس بسنے ، انت آئین ، کانود و عدالت بیرہ نزور اکن مریرہ و ہراڑتون جتھ مریک او اوڑان ایڑترمریک؟۔ تینا ٹویٹ اٹی پارے کہ عمران نیازی دزگیر مفک تو کانود باایتک، و فاشزم کٹک۔ پاکستان اسہ پوسکن ءُ ہٹلر اسے سگنگ کپک، مچ آ دنیا خننگ ءِ کہ ہراوڑ اسہ اناپرست بندغ عمران نیازی نظام عدل ءِ یرغمال کرینے عدالت نا پرمان ءِ لتاڑنگ ءِ ، کارندہ غاتے شیلڈ جوڑ کرسا تینا اُراٹی مورچہ زن ءِ۔ تینا کارندہ غاتیان قومی ادارہ غاتے کرینگ ترفنگ ءِ۔ فارن فنڈنگ عمران نا کمک اٹ انارکی تالان کرسا رنگ اس اتنگ ءِ۔