اسلام آباد۔ 15 مارچ (اے پی پی) بنجائی وزیر جان جوڑی عبدالقادر پٹیل پارینے کہ پولیو ناچٹفنگ کن ہلہلہ ئی بنداو تیا گام گیج کننگ انگ ءِ، اولیکو ریسہ ٹی پنجاب نا 13 ضلع، سندھ انا 16 ضلع و اسلام آباد اٹی پولیو تور مہم برجاءِ، لمہ و باوہ تینا چناتے ضرور پڑی کنفر۔ چارشنبے نادے آ وزارت جان جوڑی آن جاری بیان نا رداٹ بنجائی وزیر جان جوڑی پارے کہ پولیو مہم نا اولیکو ریسہ 17 مارچ اسکان برجاسلک ۔ اولیکو ریسہ ٹی پنجاب نا 13 ضلع، سندھ انا 16 ضلع و اسلام آباد آ تالان ءِ۔ او لمہ و باوہ غاتیان خواست کرے کہ تینا 5 سال آن کم وئی نا غٹ چناتے پولیو ویکسین نا پڑی ضرور کنفر و فرنٹ لائن ورکرآتون کمک ہم کیر۔ اوپارے کہ درکار ہدف لمہ و باوہ غاتا کمکاری اٹ دوئی کننگ کینہ۔ پولیو نا چٹفنگ کن ہلہلہ ئی بنداو تیا گام گیج کننگ انگ ءِ۔ عبدالقادر پٹیل پارے کہ ہروڑنا غا و یا معلومداری نا ہیلپ لائن نمبر 1166 آ ہم رابطہ کننگ مریک۔
