اسلام آباد۔ 14 مارچ (اے پی پی) صدر مملکت عارف علوی نا سلہ غا گورنر خیبرپختونخوا حاجی غلام علی ایوان صدر اٹی اوڑتون اوڑدہی کرے ہراٹی لس گچین کاری تا اڈتننگ نا بابت امور تیا گپ وتران کننگا۔ ایوان صدر نا پریس ونگ انا رداٹ سے شنبے نادے آ اوڑدہی ٹی صدر مملکت و گورنر آئین نا آرٹیکل (2)224و یکم مارچ نا سپریم کورٹ نا پرمان ءِ مون آ تخسا الیکشن نا بابت گپ وتران کریر۔ صدر ڈاکٹر عارف علوی مشورہ تس کہ گورنر الیکشن کمیشن تون سلابت آن پد گچین کاری تا تاریخ نا بابت سپریم کورٹ ناپرمان آعملدرآمد کے، کم و ود 2 ہفتہ گدرینگا، پیچیدگی آن بچنگ کن سپریم کورٹ نا فیصلہ نا رداٹ گچین کاری تا تاریخ اس مقرر کننگے۔ صدر مملکت آئین نا پاسداری و تخوک آ مد انا تہہ ٹی لس گچین کاری تا اڈتننگ نا گرج آ زور شاغسا پارے کہ تخوک آ وخت اٹی گچین کاری تے آئین المی گوندا، سپریم کورٹ پک کرینے، تخوک آ وخت اٹی گچین کاری ملک اٹی پارلیمانی جمہوریت ءِ سوگو کننگ کن المی ءِ۔
