اسلام آباد۔ 13 مارچ (اے پی پی) صدر مملکت ڈاکٹر عارف علوی ہواوے نا جہانی آئی سی ٹی نا مقابلہ ٹی اولیکو انعام ءِ دوئی کروک آتھرپارکرآن تعلق تخوک آ بھاگ چند میگھوار ءِ مبارکبادی تسنے۔ صدر مملکت دوشنبے نادے آ اسہ ٹویٹ اسے ٹی پارے کہ بھاگ چند میگھوار پاکستانی ورناتیکن درور اسے و او کنا دا سلاہ ءِ پک کیک کہ آئی ٹی پاکستان نا راجی و اقتصادی شونداری و ورناتے واکدار کننگ نا ترند انگا، آسان انگا و گونڈ انگا کسر ءِ۔ اوپارے کہ داڑآن پاش مریک کہ پاکستانی ورناتے اگہ موقع و راہشونی تننگے تو او کمال کننگ کیرہ۔ صدر مملکت پارے کہ ننے آئی ٹی و تینا ورناتا فکری شونداری آ پین زرکاری کننگ نا گرج ءِ۔ شاباش بھاگ چند میگھوار!۔
