اسلام آباد۔ 13 مارچ (اے پی پی) بنجائی وزیر سائنس و ٹیکنالوجی آغا حسن بلوچ عہدہ ءِ سنبھالنگ آن پد آن داتم اسکان اسہ ہم درملکی ٹیکی اس تینتون تختنے۔ ترجمان وزارت سائنس وٹیکنالوجی بنجائی وزیر ءِ درملکی ٹیکی تا بابت جاری بیان اٹی پارے کہ بنجائی وزیر سائنس و ٹیکنالوجی آغا حسن بلوچ عہدہ ءِ سنبھالنگ آن پد آن داتم اسکان اسہ ہم درملکی ٹیکی اس تینتون تختنے۔ ترجمان بنجائی وزیر ءِ ملوک آ ٹیکی تا سرجم آتیان معلومدار کرسا مستی پارے کہ بنجائی وزیر آغاحسن بلوچ درملکی ٹیکی نا وڑاٹ اسہ رولیکس گھڑی اس وصول کرے ہراکہ مورخہ 10 جنوری 2023 آ آغا حسن بلوچ توشہ خانہ ٹی جمع کرفیسس۔
