ایبٹ آباد۔ 13 مارچ (اے پی پی) سوئی نادرن گیس پائپ لائن لمیٹڈ نا کنڈآن سی کیٹگری نا ہوٹل آتا یونٹ ریٹ اٹی ودکی نا برخلاف ہوٹلز ایسوسی ایشن نا ڈل بنجائی وزیر پارلیمانی امور مرتضیٰ جاوید عباسی تون اوڑدہی کرے۔ بنجائی وزیر ہوٹل ایسوسی ایشن نا گڑتی تے مر کننگ نا باوری کرفے۔ ہوٹلز ایسوسی ایشن ضلع ایبٹ آباد نا صدر سردار رمضان نا کماشی ٹی ڈل سی کیٹگری ہوٹلز نا سوئی گیس نرخ اٹی ودکی نا بابت تینا گڑتی تا درشانی ءِ کرے۔ بنجائی وزیر باندات ءِ وزیراعظم نا کنڈآن جوڑ کمیٹی ٹی ہرفنگ و چنکا کاروبار تون وابستہ ہوٹل مالک آتے ریلیف ترفنگ نا باوری کرفینے۔ ہوٹلز ایسوسی ایشن نا صدر سردار رمضان دا بابت پارے کہ یکمشت ودکی بھاریم تمنگ آن کاروبار بھس مننگ اٹی ءِ۔ دا بابت ایبٹ آباد اٹی چنکو کچ اسے آ کاریم کروک آہوٹل مالک آک فیصلہ نا برخلاف برانز کال تسوسر ہرادے بنجائی وزیر مرتضیٰ جاوید عباسی نا باوری کرفنگ آموخر کننگانے۔ اوپارے کہ ودکی نرخ آتیا عملدرآمد آن پد سوئی گیس نا بھلو بل بسنے ہرافتے یکمشت ادا کننگ ہم ممکن اف۔ ریجنل منیجر سوئی گیس دا باندات اٹی ہم ریلیف ایتے۔
