اسلام آباد۔ 13 مارچ (اے پی پی) بنجائی وزیر صنعت و پیدوار سید مرتضیٰ محمود پارینے کہ حکومت ایس ایم ایز سیکٹر ءِ آسودہی تننگ اٹی ءِ، کشت وکشار نا پیدوار ءِ ودفنگ کن کاریم کننگ اٹی ءِ، ننا آبپاشی نا نظام دنیا نا گچین آ نظام ءِ۔ داخیال آتا درشانی ءِ او دوشنبے نادے آ نیشنل پروڈکٹیویٹی آرگنائزیشن دود آن تران کرسا کرے۔ اوپارے کہ ننا فوکس کشت وکشار نا بشخ آن فائدہ ہرفنگ ءِ۔ این پی او نا وژن 2025 پاکستان ءِ مالی وڑاٹ سوگو کننگ نا ایجنڈا نا خڑک آٹی ءِ۔ اوپارے کہ کشت وکشار نا پاکستان نا شونداری ٹی اہم ءُ کڑ داسے، فوڈ سیکورٹی، خلقی شونداری و ملازمت آتا فراوانی کشاری بشخ انا شونداری آن بیدس ممکن اف، جی ڈی پی ٹی کشت وکشار نا بشخ 2.7 درسد ءِ۔ اوپارے کہ لیبر فورس اٹی کشت وکشار نا بشخ 37 درسد ءِ، کشاری بشخ اٹی پوسکنی اتنگ و پوسکن آ ٹیکنالوجی نا کاریم اٹ اتنگ ءِ ودفنگ نا گرج ءِ۔ اوپارے کہ پاکستان کشاری فضلہ ءِ زیات تر زیات کیک، بائیو ماس ٹیکنالوجی نا کمک اٹ دا فضلہ ءِ کاریم اٹ اتنگ نا قابل کننگ مریک، سمیڈا تون اواری اٹ بائیو ماس نا بابت کاریم کننگ اٹی اُن۔
