کوئٹہ۔ 13 مارچ(اے پی پی) صوبائی وزیر داخلہ میر ضیاء اللہ لانگو پارینے کہ بلوچستان نا فائدہ غاک جون آن زیات دوست ءُ و ای بلوچستان نا فرزند مننگ نا ناطہ مدام بلوچستان نا فائدہ غاتا دفاع ءِ کرسا کیوہ۔ داخیال آتا درشانی ءِ او تینا اسہ جاری بیان اسے ٹی کرے۔ میر ضیاء اللہ لانگو پارے کہ صوبائی حکومت بلوچستان اٹی روزگار نا وارخواہی ودی کرے ہرافتے ٹی لیویز، پولیس جیل خانہ جات، محکمہ پی ڈی ایم اے، ٹی داتم اسکان دہ ہزارآن زیات بے روزگار ورناتے روزگار فراوان کرینے و دارداٹ وزیراعلیٰ بلوچستان میر عبدالقدوس بزنجو سد آ کنٹریکٹ ملازم آتے آخبتی بنداو تیا روزگار ہم فراوان کرے۔ وزیرداخلہ ضیاء اللہ لانگو نا پاننگ ئس کہ وزیراعلیٰ میر عبدالقدوس بزنجو نا کماشی ٹی ریکوڈک نا تاریخی فیصلہ ءِ ہم کننگا ہرا بلوچستان نا الس کن ٹیکی اسے آن کم اف ہراڑان بلوچستان نا زرگزران وروزگار نا پوسکن ءُ وارخواہی ہم فراوان مننگ کیک وزیرداخلہ میر ضیاء اللہ لانگو پارے کہ زرگزرانی زبوں حالی اتون اوار اوار اسہ وار ولدا بش مرسا مروک آ دہشت گردی نا چیلنج نا مقابلہ ءِ کننگ کن قومی یکجہتی بلاشبہ لازم ءِ ہراڑکن قوم تینا کانود نافذ کروک آ ادارہ غاتون ہم کوپہ سلوک ءِ۔
