اسلام آباد۔12مارچ (اے پی پی):پاک بحریہ ءِ جہاز پی این این کمکار گیش 550 ٹن کمکی سامان زوران ءَ ترکیہ ءُ شام ءِ واستہ روادگ بوتگ۔ ترجمان پاک بحریہ ءِ نیمگ ءَ چہ یک شمبے ءِ روچ ءَ جاڑی بوتگیں بیان ءِ رد ءَ کمکی سمان آناں ترکیہ ءُ شام ءِ زمین چنڈ ءِ آماچیں مردم آنی واستہ سردی ءِ واستہ تمبو، کمبل ءُ ایندگر ھمروچگیں سامان ھوار انت۔ چیئرمین این ڈی ایم اے لیفٹیننٹ جنرل انعام حیدر ملک، کمانڈر پاکستان فلِیٹ ریئر ایڈمرل فیصل عباسی ءُ کراچی ءَ ترکیہ ءِ قونصل جنرل جمال سانگو ءَ کراچی دکہ ءَ جہاز ءَ را بروپہ ھیر کتگ۔ اے موہ ءَ تران کنان ءَ ترکیہ ءَ قونصل جنرل ءَ اے سکیں ساھت ءَ کمک ءِ پد ءَ حکومت ءِ پاکستان ھاسیں رنگ ءَ پاکستانی الس آنی شگر ءُ منت واری گپتگ۔ ایشی ءَ چہ پیسر پاک بحریہ ءِ جہاز پی این ایس نصر 1000 ٹن کمکی سمان زوران ءَ 28 فروری ءَ ترکیہ ءُ شام ءِ واستہ روادگ بوتگ۔ پاک بحریہ ایشی ءَ چہ پیسر ھم دوستیں ملک آنی تہ ء قدرتی آپت آں چہ آماچ بوتگیں الس آنی واستہ کمکی مشن پیلو کتگ۔
