سیالکوٹ۔12مارچ (اے پی پی): وزیر ءِ دیمپانی خواجہ محمد آصف ءَ گوشتگ کہ ملکی جوڑیشت ءُ دیمروئی ءِ سفر چہ ھمودا اوشتاتگ بوتگ چہ ھمودا بندات کناں، جاور نہ گیگ الم انت بلے ما جزمیگ آں کہ وتی سروک محمد نواز شریف ءُ مزن وزیر محمد شہباز شریف ءِ جوانیں سروکی ءَ ملک ءَ را کوراسی ءَ چہ در کنگ ءَ کامیات بنت۔ اے ھیالانی درشانی آئی ءَ ادا ہنڑ پورہ ءَ یک السی مچی ءَ گوں گشتانک دیان ءَ کت۔ آئی ءَ گوشت کہ پی ٹی آئی ءِ حکومت ءَ وتی چار سال آنی تہ ءَ ملکی معیشت ءَ را تباہ کتگ ۔ آئی ءِ نہ وشیں معاشی پالشی آں چہ آماچیں ملکی معیشت ءَ را گہتری ءِ واستہ شپ ءُ روچ کوشست ائیگ انت۔
