اسلام آباد۔ 10 مارچ (اے پی پی) وزیراعظم محمد شہباز شریف ہڑدے ئی ایکسپریس کراچی نا سینئر مدیر طاہر نجمی نا کزیت آ ڈکھیائی و است ہسونی نا درشانی ءِ کرینے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ وزیراعظم صحافت نا بشخ اٹی طاہر نجمی نا خذمت آتے خراج عقیدت پیش کرسا پارے کہ او اسہ قابل ءُ صحافی اس ئسک، اونا شمار ملک انا بے کچ پروفیشنل ایڈیٹر آتیٹی مسکہ۔ وزیراعظم دعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و اونا خاہوت ءِ صبر وجمیل عطاکے۔
