اسلام آباد۔ 10 مارچ (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک ہڑدے ئی ایکسپریس نا سینئر صحافی، مدیر طاہر نجمی نا کزیت آ ڈکھیائی و است ہسونی نا درشانی ءِ کرینو۔اسپیکر و ڈپٹی اسپیکر قومی اسمبلی ایماندار طاہر نجمی نا خاہوت نا پن تینا جتا جتا ہڑزخواہی کلہو آتیٹی طاہر نجمی نا کزیت آ ڈکھیائی و است ہسونی نا درشانی ءِ کرینو ۔ اوایماندار نا اناگت کزیت ءِ پدسلوک آ خاہوت کن بے بدل نسخان اس گوندانو ہرادے تادیر پُر کننگ مفک۔ اوطاہر نجمی نا کسبی خذمت آتیا اودے خراج تحسین پیش کریر۔ اوپاریر کہ طاہر نجمی اسہ پنی ءُ صحافی اس ئسک، اونا کزیت ندام صحافت کن بے بدل ءُ نسخان اسے۔ اوپاریر کہ طاہر نجمی نا کزیت آن ودی مروک آ خورکی تادیر پُر مننگ کپک۔ اوایماندار نا خاہوت تون ہمدردی نا درشانی ءِ کرسا پاریر کہ او ڈکھیائی و غم انا دا مشکل ساہت اٹی اوفتا ڈکھیائی و غم اٹی بریبر نا شریک ءُ۔ اسپیکر و ڈپٹی اسپیکر قومی اسمبلی دعاکریر کہ اللہ تعالیٰ ایماندار نا درجہ غاتے بڑز و پدسلوک آ خاہوت ءِ دا بےبدل نسخان ءِ سگنگ کن صبر وجمیل عطاکے۔
