اسلام آباد۔ 10 مارچ (اے پی پی) پاکستان مسلم لیگ (ن) نا سینئر نائب صدر و چیف آرگنائزر مریم نواز اینو (جمعہ نادے آ) فیصل آباد اٹی تنظیمی کنونشن آن تران کیک۔ پاکستان مسلم لیگ (ن) نا ترجمان مریم اورنگزیب جمعہ نادے آ تینا بیان اٹی پارے کہ مریم نواز اینو اِرادے ئی دورہ غا فیصل آباد آ سرمننگ اٹی ءِ ہراڑے او تنظیمی کنونشن آن تران کیک۔ مسلم لیگ (ن) پنجاب نا صدر رانا ثناء اللہ خان ہم اوڑتون اوار مریک۔ پگہ (11 مارچ ) آ فیصل آباد اٹی پارٹی تنظیمی دیوان اس مریک ہراٹی پارٹی نا ہندی صدر و جنرل سیکرٹریک بشخ ہلیرہ ۔ دیوان اٹی پارٹی نا تنظیمی پنجر و کارکڑڈ نا جاچ ءِ ہلنگک۔ اوپارے کہ مریم نواز سوشل میڈیا، زالبول و یوتھ ونگ انا عہدیدار آتون ہم اوڑدہی کیک۔ یات سلے کہ مریم نواز یکم فروری آن ملک گیر تنظیمی دورہ غاتا بناءِ کریسس۔ او بہاولپور ، ملتان، ایبٹ آباد ، اسلام آباد ، راولپنڈی ، سرگودھا، ساہیوال ڈویژن آتا دورہ ءِ کرینے۔
