ایڈیشنل سیکرٹری اوغانستان نا کماشی ٹی جوڑ ڈویژن تینا زمواری تے پورو لگن اتون ادا کننگ اٹی ءِ، دفترخارجہ

اسلام آباد۔ 10 مارچ (اے پی پی) دفترخارجہ پیدوار کرینے کہ اوغانستان نا بارواٹی وزارت خارجہ ٹی اسہ پورو ءُ ڈویژن اس جوڑ ءِ ہرانا کماشی ءِ ایڈیشنل سیکرٹری اوغانستان و دیکی ایشیا سید احسن رضاشاہ کننگ اٹی ءِ۔ دفترخارجہ جمعہ نادے آ تدوک آ دے انا پریس حوال نا بابت پارے کہ ایڈیشنل سیکرٹری اوغانستان نا کماشی ٹی جوڑ ڈویژن تینا زمواری تے پورو خواری اتون ادا کننگ اٹی ءِ و او آخبت ہم تینا زمواری تے پورو کرسا کیک۔ ترجمان دفترخارجہ غان حوال اٹی سوج کننگاسس کہ تدوک آ ہفتہ وزیراعظم نا خصوصی کمکارمحمد صادق نا عہدہ غان استیفہ تننگ آن پد اونا ساڑی مفننگ اٹی اوغانستان نا باندات آتے پاکستان اٹی بڑزکو کہول آ دیر ہُننگ اٹی ءِ۔