اسلام آباد۔ 19 مئی (اے پی پی) سپیکر راجی اسمبلی سردار ایاز صادق ئَ گوشت کہ پاکستان ئِ ایمنی ئُُ پاسبانی ئُُ راجی سلامتی دُرستاں چہ مستر اِنت، کلبھوشن یادیو ئِ ھوالگ ءَ میاں اوستمانی انساپ ئِ آمید گس ئِ پیسلہ ئِ سر ئَ سیاست کنگ مہ بیت۔ آدینگ ئِ روچ ئَ پارلیمنٹ گس ئَ پارلیمنٹری رپورٹرز ایسوسی ایشن ئُُ سرجمیں ملک ئَ چہ آیوکیں کلانئیں اھوالکار آنی شرپ ئَ وتی نیمگ ئَ داتگیں سبارگ ئِ دعوت ئَ گوں گشتانک دیان ئَ آئی ئَ گوشت کہ پارلیمانی رپورٹرز ھاسیں رنگ ئَ پی آر اے ئِ گوما ھواری ئَ یک ھاسیں سیادی ئِ است ئُُ ایش پراھاں پہ مڈی یے بستار ئَ دار اَنت۔ آئی ئَ گوشت کہ پارلیمانی رپورٹز آناں لوٹ ایت کہ آ پارلیمنٹ ئِ قائمہ کمیٹی آنی کرد ئِ گہتری ئِ ھاترا نبشتانکی رنگ ئَ شور بندی بہ پُجارین اَنت۔ ایشی ئَ پد اھوالکا ر آنی جست ئِ پسو ئَ آئی ئَ گوشت کہ کلبھوشن ئِ سزا ئِ جیڈھ راجی ارزشت ئِ جیڈھ اِنت، ایشی ئِ سر ئَ سیاست کنگ نہ لوٹ ایت۔ منا اے کیس ئِ گیشاں چہ گیش مالوم داری نیست ھمے ھاترا گیش باست ئُُ واست کت نہ کن آں۔
