پاکستان ئَ را دیمپانی ئِ ضلورت آنی پوریات کنگ ئِ ھاترامعشیت ئَ را گہتر کنگ لوٹیت، ہمایوں اختر خان

اسلام آباد۔ 19 مئی (اے پی پی) غیر سرکاری تھنک ٹینک انسٹی ٹیوٹ فار پالیسی ریفارمز ئِ چیئرمین ہمایوں اختر خان ئَ گوشت کہ معاشی دیمروئی ئِ ھاترا سیکورٹی ئُُ درج بری سک باز المی اِنت، اے رد ئَ توامیں ادارگ آناں وتی کرد پیلو کنگی اِنت۔ آ آدینگ ئِ روچ ئَ اِدا آئی پی آر ئِ چیر دستی ئَ ملکی دیمروئی ئَ دراجیں وھد ئُُ پاسی سیکورٹی ئُُ مھکمی ئِ بنگپ ئِ سرئَ برجم داشتگیں سیمینار ئَ گوں گشتانک دیان اَت۔ آئی ئَ گوشت کہ سیکورٹی ، پاسبانی ئُُ وشھالی ئِ وڑیں توامیں رنگ ئِ معاشی دیمروئی ئِ ھاترا کم اَنت۔ آئی ئَ گیش گوشت کہ دو ملکئِ نیام ئَ جنگ ئِ جیڈھ ئَ را اِچبر گیواری نہ بوتگ ئُُ ناکہ اوپار ئُُ لٹ ئُُ لٹکاری ئِ بیت اے وڑیں ھوپ ئَ گوں اِچ ملک دیمروئی نہ کنت۔ آئی ئَ گوشت کہ پاکستان ئِ جیڈھ آنی رد ئَ ملکی پاسبانی ئِ زمہ واری ایوک ئَ یک ادارگ ئِ سر ئَ بوت نہ کنت، اے رد ءَ سول ادارگ ئُُ سرجمیں ملک ئِ مردم آناں وتی وتی بھر مان کنگی اِنت۔ پاکستان ئَ را وتی دیمپانی ئِ ضلورت سرجم کنگ ئِ ھاترا وتی معشیت ئَ را گہتر کنگ لوٹیت۔ اے موہ ئِ سر ئَ نامداریں دیمپانی باست ئُ واست کنوک جنرل (ر) طلعت مسعود ئَ گوشت کہ پاکستان ئَ را بندات ئَ چہ ڈنی بیم ئَ گوں دیم پہ دیمی بوتگ، ایشرا میاں اوستمانی برات آنی گوما ھمگام ئَ زورگ ئُُ روگ لوٹ ایت۔