شونداری بایدے سیاست نا گواچی مف
پاکستان نا شمار داسہ ترندی اٹ شون ہلوک آ معیشت آتیٹی مریک، اقتصادی ٹک آتیٹی نمان گچین نا اعتراف ئِ جہانی مالیاتی ریٹنگ ادارہ غاک کننگ ئُ
اسلام آباد۔ 19مئی (اے پی پی) وزیراعظم محمد نواز شریف پارینے کہ پاکستان نا اقتصادی ٹک آتیٹی نمان گچینی بسنے ہرانا اعتراف ئِ جہانی ریٹنگ ادارہ غاک ہم کننگ ئُ ، پاکستان نا شمار داسہ ترندی اٹ شون ہلوک آ معیشت آتیٹی مریک، بنجائی و صوبائی حکومت آک ملک انا شونداری کن ہم آہنگی اٹ کاریم کننگ ئُ، سی پیک نا ڈٹ جاٹ آتیا ترندی اٹ کاریم برجائِ، شونداری نا عمل بایدے سیاست نا گواچی مف، پاکستان نا شونہالی ہر اسٹ نا اولیت ئِ۔ اوداخیال آتا درشانی ئِ جمعہ نا دے قومی اقتصادی کونسل نا دیوان نا کماشی ئِ کرسا کرے۔ دیوان اٹی وزیراعظم آزاد کشمیر، گورنر کے پی کے ، پنجاب سندھ، کے پی کے، بلوچستان نا وزیراعلیٰ، بنجائی و صوبائی وزیر آک، وزیراعلیٰ گلگت بلتستان ہم ساڑی ئسر۔ وزیراعظم پارے کہ 5.28 درسد نا شرح نمو ستاءکڑزک۔ بنجائی و صوبائی حکومت آک ملک انا شونداری کن اہم آہنگی اٹ کاریم کننگ ئُ۔ اوپارے کہ چین اٹی بیلٹ اینڈ روڈ فورم اٹی غٹ وزیراعلاک اوڑتون اوار ئسر و دنیاخناکہ شونداری کن پاکستان اٹی امنائی ئِ وو دا بھاز جوان ئُ کلہو اس ئس کہ نن یکجااُن۔ وزیراعظم پارے کہ نن توانائی نا ڈٹ جاٹ آتیا چکار کرینن نئے بیرہ بجلی نا فراوانی ننا اولیت ئِ بلکن نن صارف آتے کن ہڑزان بجلی فراوان کننگ اُن۔ اوپارے کہ نن ایل این جی ، کولا، ہائیڈل، سولر اینڈ ونڈ اتون اوار توانائی نا چندی ذریعہ غاتے کاریم اٹ اتنگ آ چکار تخنگ ئِ۔ وزیراعظم پارے کہ بنداوی ڈھانچہ شونداری نا کلید ئِ و نن روڈ و مواصلاتی نیٹ ورک آ چکار تخنگ اُن۔ اوپارے کہ شونداری بایدے سیاست نا گواچی مف ، پاکستان ان شونہالی ہر اسٹ نا اولیت ئِ ۔ شونداری ڈٹ بندی کن الس نا شرحالی آ مرکوز حکمت عملی اس اختیار کننگا۔ وزیراعظم پارے کہ ساڑی حکومت مالی سال 2012-13ءنا مقابلہ ٹی سرکاری بشخ انا شونداری پروگرام (2017-18ئ) ٹی صوبہ غاتا بشخ مسہ گناودانے۔ اوپارے کہ فاٹا، اے جے کے و گلگت بلتستان و بنجائی حکومت کن ایلو غٹ صوبہ غاتیانبار ہی اہم ئِ۔ اوداہیت آ زور شاغا کہ جان جوڑی ، تعلیم و ایلو راجی بشخ آتا دیہی شونداری ڈٹ جاٹ آتے خصوصی چکار تخنگے۔
