بروک آ 24گھنٹہ ٹی ملک انا بڑزکو بشخ آتیٹی جاگہ جاگہ ترند تہو و ہورہ و گروک تون ہلکا پِر ، پنجاب نا میدانی علاقہ غاتیٹی اِرادے اٹی درجہ حرارت 47 ڈگری سینٹی گریڈ اسکان ہِننگ نا گمان ئِ، محکمہ موسمیات

اسلام آباد۔ 19مئی (اے پی پی) محکمہ موسمیات نا رداٹ بروک آ 24گھنٹہ ٹی اسلام آباد و راولپنڈی تون اوار بڑزکو پنجاب، فاٹا، مالاکنڈ ہزارہ ڈویژن ، کشمیر و گلگت بلتستان نا ایب و کیب علاقہ غاتیٹی جاگہ جاگہ ترند تہو و ہورہ و گروک تون ہلکا پر، ملک انا ایلو علاقہ غاتیٹی موسم باسن و پِر کپننگ، کراچی ٹی موسم نا جمبری سلنگ نا گمان ئِ۔ پی ٹی وی نا رداٹ گدرینگوک آ 24گھنٹہ ٹی اسلام آباد و راولپنڈی تون اوار کشمیر و گلگت بلتستان نا ایب و کیب علاقہ غاتیٹی جاگہ جاگہ ترند تہو اتون ہلکا پِر آن موسم خوشگوار مس وخت اس کہ ملک انا ایلو علاقہ غاتیٹی موسم پدریسہ باسن و خشک سلیس۔ تدوک آ دے غٹ آن زیات درجہ حرارت شہید بے نظیر آباد و لاڑکانہ ٹی 47 و تربت اٹی 45ڈگری سینٹی گریڈ ریکارڈ کننگا۔ محکمہ موسمیات نا رداٹ بروک آ 24گھنٹہ ٹی اسلام آباد و راولپنڈی تون اوار بڑزکو پنجاب، فاٹا، مالاکنڈ ڈویژن، کشمیر و گلگت بلتستان نا ایب و کیب علاقہ غاتیٹی جاگہ جاگہ ترند تہو و ہورہ و گروک تون ہلکا پِر وخت اس کہ ملک انا ایلو علاقہ غاتیٹی موسم باسن و پِر کپننگ و کراچی ٹی موسم ناجمبری سلنگ نا گمان ئِ۔ محکمہ موسمیات بروک آ 48گھنٹہ ٹی پنجاب نا میدانی علاقہ غاتیٹی درجہ حرارت 47 ڈگری سینٹی گریڈ اسکان ہِننگ نا پیشن گوئی کرینے۔