اسلام آباد۔ 19مئی (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی واپڈا پاور سیکٹر نا شونداری ڈٹ آتے کن جم وڑاٹ داوخت اسکان اسہ کھرب 65ارب 15کروڑ آن زیات نا فنڈ جاری کرینے۔ حکومت دا سیکٹر نا شونداری کاریم تے کن اسہ کھرب 92 ارب روپئی نا فنڈ جتا کرینے۔ پلاننگ کمیشن نا حساب وکتاب نا رداٹ حکومت دیامیر بھاشاڈیم اکن ڈغار ناہلنگ کن 14ارب، 1200 میگاواٹ ایل این جی پاور پلانٹ بلوکی کن 30 ارب، 1200 میگاواٹ ایل این جی پاور پلانٹ حویلی بہادرشاہ کن 30 ارب، 132کے وی سب اسٹیشن پورٹ گوادر کن 15کروڑ، کوئٹہ ٹی 132 کے وی گریڈ اسٹیشن و ٹرانسمیشن لین اکن 7 کروڑ 84لکھ روپئی تون اوار چندی شونداری ڈٹ آتے کن فنڈ جاری کرینے۔
