اسلام آباد۔ 19مئی (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ریاستی سیمی امور ڈویژن نا شونداری ڈٹ آتے کن جم وڑاٹ داوخت اسکان 21 ارب 54کروڑ روپئی آن زیات نا فنڈ جاری کرینے۔ پلاننگ کمیشن نا حساب وکتاب نا رداٹ حکومت قبائلی علاقہ غاتیٹی جوڑجاڑی کاریم تے کن 20 ارب 58 کروڑ، چوک تنگی ڈیم اکن 10 کروڑ، مہمند ایجنسی ٹی نہقی ٹنل کن 50 کروڑ، اورکزئی ایجنسی ٹی روڈ آتا جوڑ جاڑ کن 14کروڑ روپئی تون اوار چندی شونداری ڈٹ آتے کن فنڈ جاری کرینے۔
