بجٹ اٹی روزگار نا وارخواہی تے ودفنگ و بڑز اقتصادی نمو کن گام گیج آتیا چکار تخنگ، لس بندغ نا شرحالی ئِ اولیت تننگک
اسلام آباد۔ 18مئی (اے پی پی) بنجائی وزیر خزانہ سینیٹر اسحاق ڈار پارینے کہ ساڑی حکومت تینا روایت ئِ برقرار تخسا پوسکن آ بجٹ اٹی لس بندغ نا شرحالی ئِ اولیت ایتک۔ مالی سال 2017-18 ءنا بجٹ نا بابت اڈ ہلوک آ دیوان آن تران کرسا اوپارے کہ پوسکن آ مالی سال انا بجٹ اٹی روزگار نا وارخواہی تے ودفنگ و بڑز، پائیدار و جم اٹنگا اقتصادی نمو کن گام گیج آتیا چکار تخنگک۔ وزیر خزانہ بجٹ سازی نا عمل اٹی اوار محکمہ و وزارت آتا نیام اٹ خڑکی رابطہ غاتا گرج آ زورشاغسا پارے کہ اقتصادی سروے نا اجراءو بجٹ ئِ پیش کننگ نا بابت تیاری تے پورو کننگے۔ اوپارے کہ غٹ شریدار آتون پورو صلابت تون تیار کننگ انگ ئِ۔ بنجائی وزیر ئِ بجٹ تجاویز نا بارواٹی معلومدار کننگا و پاننگاکہ بجٹ نا تیاری تا عمل طے شدہ وخت انا رداٹ پورو کننگ انگ ئِ۔ داکان بیدس ایف بی آر نا چیئرمین بروک آ بجٹ کن خراج نا بابت سلائی گام گیج آتا بارواٹی پریزنٹیشن تس۔
