اسلام آباد۔ 18مئی (اے پی پی) مسکوہی بنجائی وزیر ، سینیٹر شیری رحمان پارینے کہ جہانی عدالت انصاف اٹی بھارتی ایجنٹ نا معاملہ بے کچ اہم ئِ دا بابت وزارت خارجہ تینا موقف ئِ نئے بیرہ عدالت بلکن جہانی کہول آ چست کے۔ سیاسی جماعت آک جمہوری کلچر اٹی برانز کرسا کیرہ۔ پنچ شنبے نا دے پارلیمنٹ ہاﺅس نا پیشن میڈیا تون ہیت وگپ کرسا او پارے کہ بھارت تینا ایجنٹ ئِ بچفنگ کن کوک و پاڑو کننگ ئِ ولے کلبھوشن سزا آن بچنگ کپک۔ اودے عدالت نا فیصلہ نا رداٹ سزا تننگک۔ وزارت خارجہ پاکستان پاکستان نا موقف ئِ بھارتی ایجنٹ نا بابت جہانی کہول آ چست کے تانکہ بھارت نا اصل دروشم دنیا نا مون آ پاش مننگ کے۔ اوپارے کہ حکومت اپوزیشن ئِ تینا دنگ اٹی شریدار انت اکن جوڑ کپک۔ برانز جمہوری کلچر نا بشخ اسے۔ پیشن نا ملک آتیٹی سیاسی جماعت آتے برانز نا حق دوئی ئِ۔ اوپارے کہ سیاست اٹی برانز جمہوریت نا حسن ئِ سیاسی جماعت آک جمہوری کلچر اٹی مرسا برانز کیرہ۔
