اسلام آباد۔ 18مئی (اے پی پی) وزیراعظم نا سلاہکار قومی تاریخ و ادبی میرات عرفان صدیقی کونسل آف پاکستان نیوز پیپرز ایڈیٹرز(سی پی این ای) نا پوسکن گچین مروک آ سروک آتے مبارکباد ترسا اوفتا سرسہبی کن دعا کرینے۔ پوسکن گچین مروک آ صدر ضیاءشاہد، سیکرٹری جنرل اعجاز الحق و ایلو عہدیدار آتا پن پنچ شنبے نادے تینا تہنیتی کلہو اٹی عرفان صدیقی پارے کہ سی پی این ای صحافت نا دارہ نا اسہ معتبر و نمائندہ تنظیم اسے۔ کنے یخین ئِ کہ ضیاءشاہد نا سروکی و اونا صحافت آن دیرینہ وابستگی و وسیع آزموندہ سی پی این ای کن فائدہ مند جوڑ مریک۔ سلاہکار وزیراعظم پارے کہ ساڑی آ ہنگامہ خیز چاگڑد اٹی صحافت ئِ تینا نظریاتی و تہذیبی اقدار آن ہم آہنگ تخسا راج اٹی تحمل ، سگ ، خیر سگالی و ہم آہنگی ئِ مون آ دننگ اسہ بھلو چیلنج اسے۔ سنسنی خیزی نا مون آ بروک آ لہر اٹی سنجیدگی و متانت ئِ قائم تخنگ المی مسنے۔
