اسلام آباد۔ 18مئی (اے پی پی) بنجائی وزیر سکندرحیات بوسن پارینے کہ وزارت خزانہ ئِ کشاری وام تا شرح سود 10 درسد آن کم کننگ کن بایدے گام گیج ہرفوئی مرے۔ پنچ شنبے نا دے قومی اسمبلی ٹی اعتراضی ٹک آ شیخ فیاض الدین پارے کہ کشت وکشار پیشہ خلقت تون کروک آ وعدہ غاتے حکومت ئِ بایدے پورو کروئی مرے۔ مسلم لیگ (ن) نا باسک و پارلیمانی سیکرٹری راﺅ اجمل خان خواست کرے کہ کشاری وام تیا شرح سود ئِ 10 درسد کم کننگے۔ اونا ورندی ٹی بنجائی وزیر سکندرحیات بوسن پارے کہ اونا غاوک درست ئُ نن وزارت خزانہ آن خواست کرینن کہ شرح سود ئِ 10 درسد آن کم کننگے۔ بینک ریکوری ئِ مون آ تخسا وام تیا شرح سود نا تعین ئِ کیک۔ بینک آتا کشاری وام تا بابت باوسائل جوڑ کننگے۔ غوث بخش مہر پارے کہ بنجانا کنڈآن کشارگر آتے خصوصی گرانٹ بایدے ملے۔
