اسلام آباد۔ 18مئی (اے پی پی) مسلم لیگ (ن) نا راہشون دانیال عزیز پارینے کہ غٹ سیاسی پارٹی تے پوائنٹ سکورنگ آن بیدس ملکی ویل آتاایسری کن حکومت تون اواری اٹ کاریم کننگ نا گرج ئِ۔ نجی ٹی وی چینل تون ہیت وگپ کرسا اوپارے کہ مسلم لیگ (ن) پاکستان نا اسٹ انگا جماعت ئِ ہراہرفورم آ تینے احتساب کن پیش کرینے۔ اوپارے کہ تحریک انصاف ہمیشہ احتساب نا نعرہ ئِ خلکونے ولے تینے احتساب کن پیش کننگ آن پاناد کرسا کرینے۔ دانیال عزیز ناپاننگ ئس کہ نظام ئِ سوگو جوڑ کننگ کن احتساب نا عمل ئِ پین ترند کننگ نا گرج ئِ و غٹ سیاسی جماعت آک دا چرجوئی ٹی تینا بایدے کڑد ئِ ادا کیر۔ اسہ سوج اسے آ اوساڑی حکومت توانائی تنکی و لوڈشیڈنگ نا مون ئِ توننگ کن ٹھوس گام گیج کننگ ئِ و داچرجوئی ٹی گونڈ وختی و مریس وختی ڈٹ آتا بناءکننگانے۔ اوپارے کہ ساڑی حکومت نا پبی کوشست آتیان 2018 ءاسکان توانائی تنکی نا پورو وڑاٹ مون ئِ تورک۔

متعلقہ مضامینمصنف کی طرف سے مزید