اسلام آباد۔ 18مئی (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی فنانس ڈویژن نا شونداری ڈٹ آتے کن داوخت اسکان 4ارب 71کروڑ 66لکھ روپئی آن زیات نا فنڈ جاری کرینے۔ حکومت دا ڈویژن نا شونداری ڈٹ آتے کن 10ارب 11کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت سی ڈی این ایس پروجیکٹ کن 23کروڑ، خاران اٹی کیڈٹ کالج کن 25کروڑ روپئی، گوادر اٹی چین پاکستان اقتصادی راہداری ڈٹ واٹر سپلائی اسکیم کن 33کروڑ روپئی، گوادر ڈویلپمنٹ اتھارٹی کن 70 کروڑ روپئی، حیدرآباد اٹی روڈ آتا جوڑ جاڑ کن 10 کروڑ روپئی، گریٹر کراچی سیوریج پلانٹ کن 70 کروڑ روپئی، گریٹر کراچی واٹرسپلائی اسکیم کن 50 کروڑ روپئی، پشاور اٹی چلڈرن ہسپتال کن 40 کروڑ روپئی و چترال اٹی بونی روڈ انا جوڑ جاڑ کن10کروڑ روپئی تون اوار چندی شونداری ڈٹ آتے کن فنڈ جاری کرینے۔
