مزن وزیر محمد نواز شریف چین ئُُ ہانگ کانگ ئِ تر ئُُ تاب ئِ سرجم کنگ ئَ پد وطن ئَ واتر روادگ بوتگ
ہانگ کانگ ۔ 18 مئی (اے پی پی) مز ن وزیر محمد نواز شریف چین ئُُ ہانگ کانگ ئِ ترئُُ تاب سرجم کنگ ئَ پد پنچ شمبے ئِ روچ ئَ اِدا وطن ئِ واستہ روادگ بوتگ۔ ہانگ کانگ ئِ بالی پٹ ئَ ٹوھیں کارندہ آں مزن وزیر ئَ را رکست کتگ۔ مزن وزیر ئَ بیجنگ ئَ ون بیلٹ۔ ون روڈ فورم ئَ بھر زوری ئِ ھاترا چینی صدرشی چن پنگ ئِ دعوت ئِ پد ئَ چین ئِ تر ئُُ تاب کُت۔ مزن وزیر محمد نواز شریف ئَ بیجنگ ئَ بیلٹ اینڈ روڈ فورم ئَ ایندگہ میاں اوستمانی سروک آں گوں شریک ئُُ بزانتی گیں گشتانک کُت۔ مزن وزیر محمد نواز شریف ئَ فورم ئَ گول میز کانفرنس ئَ بھر ھم زرت۔ مزن وزیر ئَ بیجنگ ئَ چین ئِ صدر شی چن پنگ ئُُ مزن وزیر لی کی چیانگ ئَ گوں گند ئُُ نند ھم کُت۔ اے موہ ئِ سر ئَ بازیں میاں اوستمانی سروک آں گوں گند ئُُ نند ھم کُت ایشانی تہ ئَ دو نیمگی یکوئی ئُُ پڑ ئِ جاور ھال آنی سر ئَ ھیال ریچی ھم کنگ بوت۔ یات دارگ بہ بیت کہ بیلٹ اینڈ روڈ فورم ئِ بنگیج چہ چین ئِ صدر شی چن پنگ ئَ 2013ئَ کتگ بوتگ۔ اے فورم شاہراہ ئِ ریشم اقتصادی راہداری ئُُ 21بیست ئُُ یکمی صدی ئِ زرّئی راہداری پروگرام ئِ بھر اِنت۔ بیلٹ اینڈ روڈ فورم ئِ مکسد یکجائی دیمروئی ئِ گیشینتگیں ھد ئُُ ابیل آنی گرگ ئُُ کمک آرا گیش کنگ اِنت۔ مزن وزیر محمد نواز شریف ئَ چین ئِ شہر ہینگ ژوکا ئِ ھم تر ئُُ تاب کت آھودا آئی ئَ نامداریں ای پورٹل ”علی بابا“ ہیڈ کوارٹرز ئِ تر ءُُ تاب ھم کُت ئُُ منوگری آنی سر ئَ دست چنگل ئِ مراگش ئَ بھر زوری کت۔ ایشی ئَ پد وتی تر ئُُ تاب ئِ دومی بھر ئِ تہ ئَ مزن وزیر ئَ ہانگ کانگ ئِ کاروباری مردم آں گوں گند ئُُ نند ئَ ابید سرمایہ کاری کانفرنس ئَ گشتانک دات۔
