اسلام آباد۔ 3 مئی (اے پی پی)مزن وزیر ئِ مشیر برائے راجی راجدپتر ئُُ ادبی مڈی عرفان صدیقی ئَ گوشتگ کہ اُردو زبان ئَ را سرکاری ئُُ کارگسی زبان ئِ رنگ ئَ دارگ ئِ مھکمیں بنیات آنی سرءَ گامگیج زورگ بوھگ ئَ اِنت بلے اے راج واب ئَ را گواچنی رنگ دیگ ئِ ھاترا راجی، چاگردی پڑ ئَ عملی جوزگ ئُُ کرد ئِ ضلورت اِنت۔ آ (این ایل پی ڈی) ئِ چیر دستی ئَ چار شمبے ئِ روچ ئَ سول ئُُ تران ئِ بنگیجی مراگش ئَ گشتانک دیان اَت۔ ”راجی زاب ئُُ پاکستانی زبان۔ پُشت در ئُُ پیسر ئِ کسہ“ ”قومی زبان اور پاکستانی زبانیں۔پس منظر اور پیش منظر“ ئِ بُن گپ ئِ سرئَ برجم داشتگیں دیوان ئِ سروکی گشتانک ئِ تہ ئَ عرفان صدیقی ئَ گوشت کہ راجی سوت، راجی بیرک ئِ رنگ ئَ راجی زبان ئِ وتی پجار ئُُ شرپ ئِ است اِنت، اردو زبان ئِ شررنگی ھمیش اِنت کہ ایش پاکستان ئِ اِچ کنڈ ئِ ھاسیں راج ئِ زبان نہ اِنت ئُُ سرکاری مستری ئَ ابید ھم ایش یک شل ئَ شنگ ئُُ تالان بوھگ ئَ اِنت ایشی ئِ سبب ئَ ندکار ئُُ ادبی ساچست کار است اِنت۔
