بے گناہ شاری تا جان ہلنگ، تعلیمی ادارہ غاتا تباہی، سلہہ بند فوج و کانود نافذ کروک آ ادارہ غاتیا جلہو کون آ سنگین ڈوہ تا مرتکب خننگاسر
راولپنڈی۔ 17مئی (اے پی پی) دہشت گردی نا بابت سنگین ڈوہ تیٹی اوار پین چار دہشت گرد آتے چارشنبے نا دے خیبر پختونخوا نا جیل اٹی پاہو تننگا ہرا بے گناہ شاری تا جان ہلنگ، تعلیمی ادارہ غاتا تباہی ، سلہہ بند فوج و کانود نافذ کروک آ ادارہ گاتیا جلہو کون آ سنگین ڈوہ تا مرتکب خننگاسر۔ پاک فوج انا شعبہ تعلقات عامہ (آئی ایس پی آر ) نا رداٹ ہر چار آ ڈوہدار تا تعلق کالعدم تحریک طالبان پاکستان آن ئس ہرافتیا فوجی عدالت آتیٹی مقدمہ چلیفنگا و اوفتے موت انا سزا بنفنگاسس ۔ سرجم احوال آتارداٹ احمد علی ولد بخت کرم تحریک طالبان پاکستان نا اسہ سرگرم ئُ باسک اس ئس، اوپاکستان نا سلہہ بند فوج ، کانود نافذ کروک آ ادارہ غاتیا جلہو و تعلیمی ادارہ غاتے بھس کننگ نا مرتکب خننگا ہراٹی سپاہی و شاریک تپاخت و ٹھپی مسوسر۔ دانا کوزہ آن آتش سلہہ و دھماکہ خیز مواد ہم دوئی مسوسس۔ او مجسٹریٹ و ٹرائل کورٹ انا مون آ تینا ڈوہ ئِ امنا کرے۔ اودے موت انا سزا بنفنگا۔ اصغر خان ولد عزیز الرحمان ہم تحریک طالبان نا اسہ سرگرم ئُ باسک اس ئس و او پاکستان نا سلہہ بند فوج ، کانود نافذ کروک آ ادارہ غاتیا جلہو و تعلیمی ادارہ غاتے بھس کننگ نا مرتکب خننگا ہراٹی سپاہی تپاخت و ٹھپی مسوسر۔ اونا کوزہ آن آتشی سلہہ و دھماکہ خیز مواد ہم دوئی مسوسس۔ او مجسٹریٹ و ٹرائل کورٹ انا مون آ تینا ڈوہ ئِ منا۔ اودے موت انا سزا بنفنگا۔ ہارون رشید ولد سید عثمان ہم تحریک طالبان نا اسہ سرگرم ئُ باسک اس ئس۔ او پاکستان نا سلہہ بند فوج ، کانود نافذ کروک آ ادارہ غاتیا جلہوو تعلیمی ادارہ غاتے بھس کننگ نا مرتکب خننگا ہراٹی سپاہی و شاریک شہید و ٹھپی مسوسر۔ اونا کوزہ آن آتشی سلہہ و دھماکہ خیز مواد ہم دوئی مسوسس۔ او مجسٹریٹ و ٹرائل کورٹ انا مون آ تینا ڈوہ انا اعتراف ئِ کرے۔ اودے موت انا سزا بنفنگا۔ گل رحمان ولد زرین ہم تحریک طالبان پاکستان نا اسہ سرگرم ئُ باسک اس ئس ۔ اوپاکستان نا سلہہ بند فوج آ جلہو آتا مرتکب خننگا ہراٹی اسہ سپاہی و اسہ شاری اس تپاخت کرے۔ اونا کوزہ آن دھماکہ خیز مواد ہم دوئی مسوسس۔ او مجسٹریٹ و ٹرائل کورٹ انا مون آ تینا ڈوہ ئِ امنا کرے۔ اودے موت انا سزا بنفنگا۔
