راولپنڈی۔ 17مئی (اے پی پی) پاک فوج انا شعبہ تعلقات عامہ (آئی ایس پی آر) نا کنڈآن ”انتہاءپسندی نا استرداد اٹی ورناتا کڑد “ انا بارواٹی اسہ دے ئی سیمینار اس (اینو) پنچ شنبے نا دے آآرمی آڈیٹوریم راولپنڈی ٹی اڈ ہلیک۔ آئی ایس پی آر نا رداٹ دا سیمینار نا بست و بند ئِ ہائیر ایجوکیشن کمیشن (ایچ ای سی) نا اوار ی اٹ کننگ انگ ئِ۔ چیف آف آرمی اسٹاف جنرل قمر جاوید باجوہ داوخت آ کلیدی تران اس کیک۔ سیمینار اٹی پنی چاہندارِ تعلیم، یونیورسٹی تا وائس چانسلرز ، طالب علم و مدرسہ غاتا مہتمم آتیان بیدس قومی وجہانی میڈیا و سول سوسائٹی نا نمائندہ غاک شرکت کیرہ، سیمینار نا بابت غٹ تازہ انگا معلومداری ویب پیج ”ispr.gov.pk/youthseminar” آ دستیاب مریک۔
