اسلام آباد۔ 17 مئی (اے پی پی) محکمہ موسمیات نا رداٹ اسلام آباد و راولپنڈی تون اوار بڑزکو پنجاب، مالاکنڈ ، ہزارہ ڈویژن فاٹا، کشمیر و گلگت بلتستان اٹی جاگہ جاگہ ترند تہو و ہورہ و گروک تون ہلکا پِر وخت اس کہ ملک انا گیشتر علاقہ غاتیٹی موسم پدریسہ باسن و پِر کپننگ نا گمان ئِ۔ پی ٹی وی نا رداٹ گدرینگوک آ 24گھنٹہ ٹی اسلام آباد و راولپنڈی تون اوار چکوال ، سیالکوٹ، قصور ، سرگودھا، بڑزکو خیبر پختونخوا، کشمیر و گلگت بلتستان اٹی جاگہ جاگہ وخت اس کہ بہاولپور ، ژوب ، مکران و لاڑکانہ ڈویژن اٹی گڑاس ہند آتیا ترندتہو و ہورہ گروک اتون پِر مس۔ غٹ آن زیات پِر قصور اٹی 17، سرگودھا ٹی 08 و پنجگوراٹی 04ملی میٹر ریکارڈ کننگا وخت اس کہ غٹ آن زیات درجہ حرارت بھکر اٹی 44و لاڑکانہ و چھور43ڈگری سینٹی گریڈ ریکارڈ کننگا۔ محکمہ موسمیات نا رداٹ بروک آ 24گھنٹہ ٹی اسلام آباد و راولپنڈی تون اوار بڑزکو پنجاب، مالاکنڈ، ہزارہ ڈویژن فاٹا، کشمیر و گلگت بلتستان اٹی جاگہ جاگہ ترند تہو و ہورہ و گروک تون ہلکا پر و ملک انا گیشتر علاقہ غاتیٹی موسم پدریسہ باسن و پِر کپننگ نا گمان ئِ۔
