اسلام آباد۔ 17مئی (اے پی پی) 2022ءاسکان بجلی نا جم اٹنگا قومی پیداوار اٹی آبی وسیلہ غاتیان ودی کروک آ بجلی نا تناسب 36درسد اسکان ودک۔ وزارت دیر وبجلی نا پورٹ نا رداٹ 2022 ءاسکان فرنس آئل آن بجلی نا پیداواری تناسب 12درسداسکان کم مریک ہراڑآن درآمد بل اٹی کمتی آن نہادی زرمبادلہ نا بچت مریک۔ رپورٹ نا رداٹ بروک آ چارسال آن پد ایل این جی آن بجلی ودی کننگ نا لائخی 10 درسد ’نیو کلیئر انرجی آن 9، متبادل ذریعہ غان 9 درسد، ہندی قدرتی گیس آن 8 درسد، ہندی کولاآن 8 و درآمدی کولانا کمک آن 8 درسد بجلی ودی کننگ مریک۔ رپورٹ نا رداٹ داوخت آ آبی وسیلہ غاتیان 34 درسد بجلی ودی کننگ انگ ئِ وخت اس کہ فرنس آئل آن 29درسد، ہندی قدرتی گیس آن 19 درسد، ایل این جی نا کمک آن 8 درسد و متبادل ذریعہ بشمول نیو کلیئر انرجی نا کمک اٹ جم وڑاٹ 5 درسد بجلی ودی کننگ انگ ئِ۔
