اسلام آباد۔ 16مئی (اے پی پی) بنجائی وزیر امو رکشمیر و گلگت بلتستان چوہدری محمد برجیس طاہر پارینے کہ بنجائی حکومت آزاد کشمیر نا جوڑ جاڑ و شونداری کن غٹ وسیلہ غاتے کاریم اٹ اتنگ ئِ۔ اوداہیت ئِ سے شنبے نا دے مسلم لیگ (ن) آزاد کشمیر خواتین ونگ انا نائب صدر تہمینہ صادق خان نا سروکی ٹی زالبول نا اسہ ڈل اسے تون ہیت وگپ کرسا پارے۔ اومستی پارے کہ ہرملک انا جوڑ جاڑ و شونداری ٹی زالبول نا بھاز بھلو اہم ئُ کڑد اس مریک ہرانا بیدس دیرپا شونداری نا تغ پورو مننگ کپک۔ اوآزاد کشمیر نا سیاست اٹی زالبول نا فعال کڑد انا ستائِ کرسا پارے کہ بنداوی کہول آ زالبول نا ویل آتے ایسر کننگ کن مسلم لیگ (ن) نا زالبول ونگ بھلو اہم ئُ کڑد اس ادا کننگ کیک۔ داوخت آ مسلم لیگ (ن) اے جے کے ، نا ڈل بشخ زالبول ئِ مون تروک ویل آتیان ہم معلومدار کرینے۔ وزیر امور کشمیر شعبہ زالبول ئِ مون تروک ویل آتے ایسر کننگ نا یخین دہانی کرفے۔ اوڑدہی ٹی مسلم لیگ (ن) اے جے کے راولپنڈی یوتھ ونگ نا نائب صدر ریحانہ خان ہم ساڑی ئس۔
