اسلام آباد۔ 16مئی (اے پی پی) وزیر داخلہ چوہدری نثارعلی خان مسکوہی باسک قومی اسمبلی سردار سرفراز خان نا کزیت آ ہڑزکواہی کن اٹک نا خلق کھنڈا غا ہنا۔ وزیر داخلہ سردار سرفراز خان ایماندار نا مارسردار شاہ نواز، اونا الہ مسکوہی ایم این اے ملک عطاءمحمد خان، مسکوہی ایم پی اے چکوال غلام عباس، مسکوہی ایم پی اے ملک آصف تون ہڑزخواہی کرے۔ وزیر داخلہ نا کھنڈاغا بننگ آ علاقہ نا بھلو کچ اس ہموڑے ساڑی ئس۔ مسکوہی آرمی چیف جنرل وحید کاکڑ و کور کمانڈر جنرل عمران ہم ساڑی ئسر۔ وزیر داخلہ تینا باوہ نا ضلع اٹک تون رشتہ و مسکوہی دور تا یات آتے تازہ کرے۔ ضلع اٹک نا بھلا سیاسی خاہوت ، خاص کر کھنڈا نا سردار سرفراز خان ومسکوہی ایم این اے ملک اللہ یار خان تون تینا خصوصی تعلقداری نا ذکر ئِ کرے۔ اوسردار سرفراز خان نا علاقہ کن خذمت آتا ستائِ کرے۔ وزیر داخلہ نا تینا حلقہ 1962ءآن مست اٹک اٹی اوار و تحصیل فتح جنگ نا بشخ ئس۔ وزیر داخلہ سردار سرفراز خان نا روح انا ثواب کن فاتحہ خوانا و ایماندار نا درجہ غاتا بڑزی کن دعا کرے۔
