اسلام آباد۔17جنوری (اے پی پی): مزن وزیر محمد شہباز شریف ءِ العربیہ ٹی وی چینل ءَ را گلگدار ءِ ھوالگ ءَ مزن وزیر کارگس ءِ ترجمان ءَ سہرا کت کہ مزن وزیر ءَ یک شلی ءَ گوشت کہ پاکستان ءُ بھارت ءَ را وتی دو نیمگی جیڈھ ھاسیں رنگ ءَ جموں کشمیر ءِ بنیاتی جیڈھ ءِ سر ءَ گپ ءُ تران ءِ وسیلگ ءَ گیوار کنگ لوٹ ائیت پدا ھم مزن وزیر ءَ ریکاڈنگ ءِ سر ءَ گوشت کہ گپ ھما وھد ءَ بوت کنت ھما وھد ءَتاں بھارت 5 اگست 2019 ءَ وتی گیر کانودی گامگیج آناں واپس مہ زور ائیت۔ اے گیر کانودی گامگیج آناں رد کنگ ءَ بگیر بھارت ءِ گوما سول ءُ تران بوت نہ کنت۔ مزن وزیر کارگس ءَ سئے شمبے ءِ روچ ءَ جاڑی بوتگیں سرجمیں بیان ءِ رد ءَ کشمیر ءِ جیڈھ ءِ گیواری یونائیٹڈ نیشن ءِ منوگری ءُ جموں کشمیر ءِ الس آنی واھشت آنی رد ءَ بہ بیت۔ ترجمان ءَ گوشت کہ مزن وزیر ءَ وتی استیں متحدہ عرب امارات ءِ تر ءُ تاب ءِ ساھت ءَ العربیہ نیوز چینل ءَ را گلگدار دیان ءَ اے بن گپ ءَ را سہرا ئیں رنگ ءَ درشان کت۔
