کرک و کوئٹہ نا ٹریننگ انسٹی ٹیوٹس اٹی 200 طالب علم آتے فنی و پیشہ وارانہ تربیت فراوان کننگا، او جی ڈی سی ایل

اسلام آباد۔ 16مئی (اے پی پی) آئل اینڈ گیس ڈویلپمنٹ کمپنی لمیٹڈ (اوجی ڈی سی ایل) طالب علم آتا فنی و پیشہ وارانہ تربیت آ 5.185ملین روپئی خڑچ کرینے۔ او جی ڈی سی ایل نا رپورٹ نا رداٹ کمپنی نا کنڈآن چلیفوک آ اِرا تربیتی بنجاتیٹی طالب علم آتے بشخ انا بابت فنی و تکنیکی تربیت نا فراوانی آ پنچ ملین روپئی آن زیات نا خڑچ آتے کننگانے۔ کرک و کوئٹہ نا ٹریننگ انسٹی ٹیوٹس اٹی 200 طالب علم ئِ بشخ انا بابت فنی و پیشہ وارانہ تربیت فراوان کننگانے ہراڑآن بشخ انا شونداری و تیل و گیس انا پٹنگ و پیداوارنا مون آ دننگ اٹی کمک دوئی مریک۔