ہانگ ژو۔ 16مئی (اے پی پی) وزیراعظم محمد نواز شریف سے شنبے نا دے چین آن ہانگ کانگ نا مسہ دے ئی دورہ غا رادہ مس۔ ہانگ کانگ نا دورہ غا رادہ مننگ آن مست پاکستان اٹی چین نا سفیر سن وی ڈونگ و چینی صوبہ ژی جیانگ نا گورنر لیانگ لی منگ وزیراعظم ئِ رخصت کریر۔ وزیراعظم تون اوار خاتون اول بیگم کلثوم نواز و وزیر واپار خرم دستگیر خان ہم ئس۔ ہینگ یو ٹی تینا اڈکننگ نا وخت آ وزیراعظم ژی جیانگ نا سی پی سی کمیٹی نا سیکرٹری چی جن تون اوڑدہی کرے وخت اس کہ او ای کامرس نا بھلا کمپنی علی بابا نا ہیڈکوارٹر نا دورہ ئِ ہم کرے۔ داڑے او کمپنی نا میوزیم نا سرجم دورہ کرے و وزیراعظم ئِ کمپنی نا سرسہبی و آخبت نا ہدف آتا بارواٹی سرجم بریفنگ تننگا۔

متعلقہ مضامینمصنف کی طرف سے مزید