سی پیک نا رداٹ جاری شونداری ڈٹ آتیا ہم خیال آتا درشان
اسلام آباد۔ 16مئی (اے پی پی) زرکاری بورڈ انا سیکرٹری اعظم علی چوہدری نا سلہ غا پائیدار شونداری نا پالیسی ادارہ (ایس ڈی پی آئی ) نا ایگزیکٹو ڈائریکٹر عابد سلہری زرکاری بورڈ انا دورہ ئِ کرے و بورڈ انا بڑزکو کمامدارآتون اوار اسہ دیوان اسے ٹی شرکت کرے ہرانا کماشی ئِ زرکاری بورڈ انا سیکرٹری کرے۔ بی او آئی نا بیان نا رداٹ عابد سلہری بورڈ انا کمامدار آتے پائیدار اقتصادی شونداری نا ہدف آتا دوئی نا بابت زرکاری پالیسی، زرکاری نا وارخواہی و توانائی نا بشخ انا شونداری نا بابت بریفنگ تس۔ اوبجلی نا کھپت اٹی کمتی و پائیدار شونداری نا ڈٹ آتا گرج آ زور شاغا۔ اوپارے کہ بنداوی ڈھانچہ نا ویل آتا چٹفنگ آن براہ راست ملکی زرکاری نا مون آ دننگ اٹی کمک رسینگک۔ اوڑدہی ٹی سی پیک نا رداٹ جاری چندی شونداری ڈٹ آتیا ہم خیال آتا درشانی ئِ کریر وخت اس کہ چین اٹی ون بیلٹ ون روڈ کانفرنس نا بابت ہم خیال آتا درشانی ئِ کریر ہراڑآن دنیا نا 65ملک براہ راست فائدہ ہرفرہ۔ اوڑدہی ٹی زرکاری بورڈ انا کمامدار آک ایگزیکٹو ڈائریکٹر ایس ڈی پی آئی ئِ براہ راست درملکی زرکاری نا مون آ دننگ ، مخصوص اقتصادی زون تا اڈتننگ و سی پیک نا رداٹ جاری ڈٹ آتا سرجم آن معلومدار کریر۔
