بنائِ تہ چین نا قونصل جنرل لانگ ڈنگ ڈون کرے
اسلام آباد۔ 16مئی (اے پی پی) چین پاکستان اقتصادی راہداری ڈٹ(سی پیک ) نا گرج آتا پیش نظر طالب علم و استاد آتا تربیت کن یونیورسٹی آف مینجمنٹ اینڈ ٹیکنالوجی لاہور اٹی اولیکو سی پیک ریسرچ سینٹر اس اڈتننگانے۔ سینٹر نا بنائِ چین نا قونصل جنرل لانگ ڈنگ ڈون کرے وخت اس کہ داوخت آ یونیورسٹی نا ریکٹر ڈاکٹر حسن شعیب مرادہم ساڑی ئس۔ یو ایم ٹی نا ترجمان پارے کہ ریسرچ سنٹر نا اڈتننگ نا بنداوی مسخت استاد، طالب علم و الس ئِ سی پیک نا بابت آگاہی فراوان کننگ نائِ۔ داکان بیدس چندی سیمینار و ورکشاپ آتا اڈتننگ آن ہم الس ئِ آگاہی فراوان کننگک۔ اوپارے کہ سینٹر اٹی پاکستان و چینی منڈی تا تقابلی جاچ و چین و پاکستان اٹی زیر تعلیم طالب علم آتے راہشونی فراوان کننگک تانکہ او پوسکن ئُ کاروباری تصورات پیش کننگ کیر ہراڑآن سی پیک کون آ عظیم ڈٹ آن حقی فائدہ ہرفنگ مرے۔ دابابت چین نا قونصل جنرل پارے کہ پاکستان و چین نا تعلیمی ادارہ سی پیک نا سرسہبی ٹی اہم کڑد ادا کننگ کیک۔ اوپارے کہ سی پیک آن نئے بیرہ سویلی ایشیاءنا ڈیہہ بلکن پاکستان نا شونداری و شونہالی ٹی نمان کمک رسینگک۔
