اسلام آباد۔3جنوری (اے پی پی): مزن وزیر محمد شہباز شریف ءَ سئے شمبے ءِ روچ ء َ ملائیشیا ءِ ھمکار انوار ابراہیم ءَ را ٹیلی فون ءِ وسیلگ ءَ نزیکی کت ءُ آئی ءَ را مزن وزیر ءِ سیٹ ءِ گرگ ءِ پد ءَ مبارک بات دات۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ملائیشیا ءِ نوکیں مزن وزیر ءُ الس ءِ واستہ نکیں واھگ آنی درشان کت۔ دوئیں مزن وزیر آں پاکستان ءُ ملائیشیا ءِ نیام ءَ براتی ءُ نزیکیں یکوئی آناں گیش مھکم کنگ ءِ ھوالگ ءَ تپاک کت۔ دوئیں سروک آں تجارت ءُ سرمایہ کاری ءَ ھوار وت مہ وتی توامیں واھگی کار آناں گیش کنگ ءِ واستہ مزن تکی ڈل ءِ روگ ءُ آیگ ءِ ارزشت ءِ ھوالگ ءَ تپاک کت مزن وزیر محمد شہباز شریف ءَ ملائیشیا ءِ گوما اقتصادی ، تجارتی رابطہ ءُ سیاسی گپ ءُ تران آنی واستہ ملائیشیا ءِ گوما دراج بریں یکوئی آناں گیش شاھیگیانی دیگ ءِ واھشت ءِ درشان کت۔ دوئیں سروک آں پاکستان ءُ ملائیشیا ءِ نیام ءَ تاریخی دو نیمگی یکوئی ءُ مھکمیں معاشی ءُ تجارتی کمک آناں گیش برجم جوڑ کنگ ءِ جزم ءِ درشان کت۔ دوئیں سروک آں پاکستان ءِ ماحولیاتی مٹ ءُ بدلی ءِ ھرابیں رند پد ، سیلاپ ءِ جاور ھال ءُ 9 جنوری 2023 ءَ جنیوا ءَ پاکستان ءَ سیلاپ ء، آماچیں مردم آنی برجائی ءِ وھالگ ءَ بست ءُ بند بوھوکیں میاں اوستمانی کانفرنس ءِ ھوالگ ءَ ھیال ریچی کت میاں اوستمانی برات پاکستان ءِ ریکوری ءُ برجائی کوشست ءَ کمک آنی واستہ یکجاہ بوتگ
