اسلام آباد۔3جنوری (اے پی پی): مزن وزیر محمد شہباز شریف ءَ سئے شمبے ءِ روچ ءَ متحدہ عرب مارات ءِ صدر شیخ محمد بن زید النہیان ءَ گوں ٹیلی فون ءِ وسیلگءَ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءَ دوئیں سروک آں پاکستان ءُ متحدہ عرب امارات ءِ نیام ءَ ھاسیں دو نیمگی یکوئی آناں گیش شاھیگانی دیگ ءُ پزور کنگ ءِ وتی جزم ءِ درشان کت۔ مزن وزیر ءَ پاکستان ءَ موسمی مٹ ءُ بدلی ءَ چہ بوھوکیں تباہی ءَ چہ پد پاکستان ءِ مالی کمک ءِ پد ءَ متحدہ عرب امارات ءِ صدر ءِ شگر ءُ منت واری گپت۔ مزن وزیر ءَ 9 جنوری 2023 ءَ جنیوا ءَ برجم بوھوکیں انٹرنیشنل کانفرنس آن رذیلیئنٹ پاکستان’ ءِ بابت ءَ شیخ محمد بن زید النہیان ءَ را سرپد کت ءُ کانفرنس ءَ یو اے ای ءَ چہ مزن تکی شریکی ءِ واستہ دزبندی کت۔ شیخ محمد بن زید النہیانءَ کانفرنس ءِ بنیاتی ایجنڈا ءِ ھوالگ ءَ متحدہ عرب امارات ءِ گیشا ں چہ گیش کمک ءِ درشان کت۔ مزن وزیر ءَ متحدہ عرب امارات ءِ صدر ءَ را پاکستان ءِ تر ءُ تاب ءِ دعوت دات۔
