اسلام آباد۔15مئی (اے پی پی) ملکئِ بازیں دمگاں سئے روچی انسداد پولیو مہم دوشمبے ئِ روچئَ چہ بندات بوتگ۔ خیبر پختونخوا ءُ فاٹا ئَ پنچ سالئِ کم اُمبر ئِ 66لکھ ئَ چہ گیش زھگاناں پولیو ئَ چہ رکھینگئِ پٹوکی وارینگ بوھگئَ اِنت۔ ریڈیو پاکستان ئِ گشگ ئِ ردئَ محکمہ صحت پنجاپ ئِ جارچین ئَ ھال داتگ کہ مہم ملتان، خانیوال ، فیصل آباد ، حافظ آبادءُ راولپنڈی ئِ ضلع آں بندات بوتگ۔ بلوچستانئِ 30ضلع آنی تہا 20لکھئَ چہ گیش زھگاناں پولیو ئِ پٹوکی وارینگ بوھگئَ اَنت۔ مظفر آبادءَ یک لکھ 20ہزار ئَ چہ گیش زھگاناں پٹوکی وارینگ بوھگئَ اِنت۔ گلگت بلتستان ئِ تہا 2لکھ 36ہزار ئَ چہ گیش زھگاناں پولیو ئَ چہ رکھینگئِ پٹوکی وارینگ بوھگئَ اَنت۔ پولیو ٹیم ریلوے سٹیشن بس اڈاءُ اُلسی ھندءُ جاھاں است بنت تنکہ ھچ زھگ پشت مہ کپ ایت۔
