اسلا م آباد۔ 15مئی( اے پی پی) چین پاکستان اقتصادی راہداری منصوبہ ئِ زانتکار میجر جنرل (ر) ظاہر شاہ ئِ گشگ اِنت کہ چین پاکستان اقتصادی راہداری ئَ چہ پاکستان ھوار خطہ ئِ تہا معاشی آشوبے آرگئَ اِنت۔ ریڈیو پاکستان ئَ گوں گپءُ تران کنانئَ آئی ئَ گشتگ کہ چین ئِ یک بیلٹ یک دگّ ئِ منصوبہ ئَ کنیکٹوٹی ءُ نزیکیں رابطہ آنی تہا گیشی بیت، خطہئَ ھوار سرجمیں دگنیائَ وشھالی، امنءُ ایمنی ءُ مھکمی کیئت۔ آئی ئَ گشتگ کہ چین پاکستان راہداری منصوبہ ئِ ردئَ دوھیں ملک آنی تہا بازیں منءُ گرے ئِ سرئَ دستخط کنگ بوتگ ءُ نوں بازیں دگہ ملک ھم ایشی ئِ تہا شریداری ئِ ھاترئَ ساڑی اَنت۔ یک جُستےءِ پسوئَ آئی ئَ گشتگ کہ اے وشیں گپ اِت کہ مزن وزیر محمد نواز شریف ئِ ھمراھ چاریں صوبہ آنی سروزیر ھم گون اَنتءُ اے گپ پدّر اِنت کہ سرجمیں راج سی پیک ئِ سرئَ مھم اِنت۔
