وزیراعظم شہباز شریف صحبت پور نا نوکاپ آن زہمی علاقہ غاتیٹی گورنمنٹ بوائز سیکنڈری اسکول کلی جیاخان نا پوسکن آ ماڑی نا بناءِ کرے

صحبت پور۔ 04 جنوری (اے پی پی) وزیراعظم محمد شہباز شریف صحبت پور اٹی نوکاپ آن زہمی علاقہ غاتیٹی گورنمنٹ بوائز سیکنڈری اسکول کلی جیاخان نا پوسکن آ ماڑی نا بناءِ کرے۔ چارشنبےنادے آ وزیراعظم بلوچستان نا نوکاپ آن زہمی علاقہ صحبت پور نا اسہ دے ئی دورہ ءِ کرے۔ داوخت آ بنجائی وزیر حوالکاری و شینکاری مریم اورنگزیب و وزیر ہاؤسنگ مولانا عبدالواسع ئسک ہم وزیراعظم تون اوار ئسر۔