صحبت پور۔ 04 جنوری (اے پی پی) وزیراعظم شہباز شریف صحبت پور اٹی سمارٹ اسکول نا بناءِ کرے، دا سمارٹ اسکول نوکاپ آن بھسکاری نا گواچی علاقہ ٹی 2 تُو انا ریکارڈ مد اٹ تفنگا۔ چارشنبےنادے آ صحبت پور نا اسہ دے ئی دورہ نا وخت آ وزیراعظم دا اسکول نا بناءِ کرے۔ وزیراعظم نا پارت آ اسکول اٹی آئی ٹی نا پوسکن آ آسراتی تے فراوان کننگانے۔ اسکول اٹی الیکٹرانک سمارٹ بورڈ ز(تختہ سیاہ) تننگانے۔ وزیراعظم سمارٹ اسکول ءِ بلوچستان اٹی اولیکو دانش اسکول اٹ بدل کننگ نا پڑو ہم کرے۔ داوخت آ وزیراعظم اسکول نا چناتتون ملا۔ وزیراعظم طالب علم آتون اوفتا کلاس روم تیٹی توس۔ وزیراعظم چناتتون گوازی ٹی ہم بشخ ہلک۔ طالب علم آتون گپ وتران کرسا اوپارے کہ تعلیم و تربیت و کسبکاری آن نیزگاری و جہالت نا مقابلہ مننگ کیک، نما تعلیم ہمو سلہہ ءِ ہراڑان نن پاکستان ءِ شونہال و شون ہلوک کننگ کینہ ، نما تعلیم آن انقلاب بریک۔ اوپارے کہ بلوچستان نا شونداری نما شونداری ءِ ، نما شونداری پاکستان نا شونداری ءِ۔
