اسلام آباد۔ 04 جنوری (اے پی پی) وزیرخارجہ بلاول بھٹو زرداری پارینے کہ 2022ء ٹی بھسکار نوکاپ اٹی ایشیائی شونداری بینک انا کمک نا منتوار اُن، نوکاپ آن پد زہمی تا بحالی و پوسکن تفنگ کن بینک انا پین کمکاری ناخواہندار اُن۔ چارشنبےنادے آ تینا ٹویٹ اٹی اوپارے کہ ایشیائی شونداری بینک انا نائب صدر شی ژن چن تون ہیت کرسا خوشی مسنے۔ پاکستان اٹی ساڑی آ بھسکار نوکاپ اٹی ایشیائی شونداری بینک انا مخلوق تون کمک و یکجہتی سفت نا قابل ءِ و نن آخبت اٹ دا کمکاریءِ برجاتخنگ نا خواہندار اُن۔ اوپارے کہ ایشیائی شونداری بینک نا کمکاری آن نوکاپ آن پد بحالی و پوسکن تفنگ ناکاریم برجاءِ۔ شریدار آتون اواری اٹ نن اسہ سوگو ءُ موسمیاتی ردعمل ءِ پین سوگو کینہ۔
